ក្បាច់រាំថ្មី

   នេះជាចង្វាក់រាំថ្មី របស់សិស្សផ្នែកទំនាក់ទំនងសង្គម និង សារព័ត៌មាន ឆ្នាំទី១ របស់សាលាបច្ចេកទេស ដុនបូស្កូ ខេត្តព្រះសីហនុ។

Roly Poly ជាក្បាច់កូរ៉េដែល កំពុងពេញនិយម នាពេលបច្ចុប្បន្ន ការខិតខំប្រឹងប្រែងនេះ ក៏មានការចូលរួម ដឹកនាំដោយ លោកគ្រូ ញិន រដ្ឋា ដែលខំចំនាយទាំងពេលវេលា ការខិតខំ និង កម្លាំងចិត្តដល់ពួកយើង។

ថ្ងៃទី២៣ ខែធ្នូឆ្នាំ២០១១ នេះមានការសំដែងសមត្ថភាព សម្រាប់មិត្តក្នុងសាលា ដែលរៀបចំបុណ្យណូអែល។ នៅថ្ងៃ ៣១ ធ្នូ នេះ ក្រុមយើង ក៏រាំក្បាច់នេះដើម្បី ចែកចាយទស្សនាកំសាន្តនាថ្ងៃបុណ្យឆ្លងឆ្នាំ។

Read More

របៀបសសេរស្គី្រប

របៀបសសេរគម្រោងឯកសារ

 (របៀបសសេរស្គ្រីប)

របៀបសសេរគម្រោងឯកសារមួយ ក្រាហ្វិកដោយ Trisha Das

លំណែនាំ

មានមនុស្សជាច្រើននិយាយថា ការសសេរគឺជាការងាយស្រួល ដោយគ្រាន់តែចាប់ផ្តើមជាមួយ ក្រដាសស ដោយគូសទាល់តែចេញឈាមពី បាតដៃរបស់អ្នក។ ពិតមែនហើយប្រសិនបើការគូរ ធ្វើឲ្យឈាមហូរពីដៃរបស់អ្នកនោះ វាគឺជាការសសេរគម្រោងឯកសារ ដែលអស្ចារ្យខ្លាំងណាស់។

ជាធម្មតានៅក្នុងជីវិតពិត គំនិត និង អារម្មណ៍  ​ចិត្ត និង តណ្ហា គឺទាក់ទងគ្នាទៅវិញទៅមក។ នៅក្នុង កុន​ បើយើងឃើញសាកសព យើងនឹងមានប្រតិកម្ម យ៉ាងរហ័ស ជាមួយនឹងភាពរំជើបរំជួល ប្រហែលជាពេលខ្លះយើងពិចារណា ទៅលើខ្សែជីវិត និងមានសំនួរយ៉ាងច្រើនកើតមានចំពោះ ខ្លួនយើងផ្ទាល់ ។ប៉ុន្តែទោះបីជាយ៉ាងណា បើយើងមើលឃើញសាកសព នៅលើផ្លូវដែលយើងបានបើកបរនោះ​ ប្រតិកម្មភា្លមៗរបស់យើងគឺរន្ធត់ ប្តូរទៅជាការស្អប់ខ្ពើមយ៉ាងខ្លាំង ។ ការរំជួលចិត្ត បានចូលទៅក្នុងរូបភាព បន្ទាប់ពីពីព្រឹត្តិការណ៍មួយបានបញ្ចប់ទៅ។ ណៅក្នុងជីវិតពិត បទពិសោធន៍គឺមានអត្ថន័យ ជាមួយនឹងការជះត្រលប់នៃពេលវេលា។នៅក្នុងជីវិតពិត អត្ថន័យរបស់ពួកគេគឺ ស្ថិតនៅលើអ្វីដែល​កើតឡើង។គម្រោងនៃការសសេរ កុន គឺជាឧបករណ៍ ដែលអាចឲ្យអ្នក បង្កើតនូវភាពរំជើបរំជួល និង អវសាន្តនៃជីវិត។ នោះគឺជាហេតុផលមួយដែល អ្នកទិតៀនស្ទើរតែទាំងអស់តបមកអ្នករៀបចំ ផលិតកុន។

គម្រោងគឺ ជាទូទៅមានការវាយតម្លៃទាប នៃដំណើរការឯកសារ ។ មតិជាច្រើន ដែលបានផ្តល់យោបល់មក ថា ដំណើរការនៃការបង្កើតឯកសារ រៀបចំទៅតាមបទពិសោធន៍របស់អ្នក​ដែលបានផលិតវា។ អ្នកផលិតកុនជាច្រើនអ្នក បានសសេរពី ការកាត់ ក្រដាស ”paper edit”។ បន្ទាប់ពីជ្រើសរើសពេលវេលា ក្នុងការសសេរគម្រោង។ ដំណើរការនេះត្រូវបានយកទៅប្រើនៅក្នុង ការថតកុនជាច្រើនបែបបទ។ ជាពិសេសនៅពេលដែលអ្នកផលិតកុន​ កំពុងតែថត នៅព្រឹតិ្តកាណ៍  ក្នុងការគ្រប់គ្រង របស់គាត់ដូចជា​ ការប្រជុំ នយោបាយ ព្រឹត្តិកាណ៍ គ្រោះធម្មជាតិ កុប្បកម្ម បាតុកម្ម ។ល។ ទោះបីជាយ៉ាងណា កុន ជាច្រើន ។អ្នកផលិតកុន បានស្វែងរក ឆ្លើយនូវសំនួរដោយខ្លួនឯង “តើខ្ញុំគួរធ្វើយ៉ាងណា?” នេះគឺជាអាជ្ញាបញ្ជា ដើម្បីបង្ហាញ នូវគម្រោងការសសេរល្អ គ្មានការផ្លាស់ប្តូរ ក្នុងពេលដំនើរការផលិតនោះទេ។
 ជារឿយៗការរៀបចំគម្រោង មុនពេលថតកុនអាចធ្វើឲ្យមានភាព ខុសគ្នារវាងកុនមិនល្អ និង កុនល្អ ឬ កុនល្អ និងកុនដែលល្អជាង។

មានពីរតំណាក់កាលនៃការសសេរគម្រោងឯកសារ

                                 i.            មុនពេលសសេរគម្រោង

                               ii.            ពេលសសេរគម្រោង

មុនពេលសសេរគម្រោង គឺហាក់ដូចជាផែនទីមួយ ពេលដែលយើងធ្វើដំណើរតាមផ្លូវ។ អ្នកអាចនឹងឆ្លងកាត់នូវភាពស្រពិចស្រពិលមិនច្បាស់លាស់  គិតមិនដល់ពីភាពគួរឲ្យភ្ញាក់ផ្អើល។ អ្នកនឹងរកឃើញនូវភាពអស្ចារ្យ ដែលមិនធ្លាប់ដឹងពីមុនមក។ អ្នកនឹងសម្រេចចិត្តថាទៅទីកន្លែងណាមួយ នៃគោលដៅរបស់អ្នក ឬក៏បន្ទាប់ពីនោះ ឬក៏ប្រហែលជា ព្រឹត្តិការណ៍ទី៣ ។ ផែនទីគឺជួយអ្នក  ក្នុងការកំណត់រកផ្លូវរបស់អ្នក និងការពារអ្នកមិនឲ្យវង្វេង។ គម្រោងនៃការសសេរគឺជាផែនទី សម្រាប់ការធ្វើដំណើររបស់អ្នក។  វាហាក់ដូចជាការគូសវាស នៃការសសេរ គម្រោងរបស់យើង ផ្តល់ឲ្យនូវការបង្ហាញឲ្យឃើញផ្ទាល់ភ្នែក ។ វាប្រើប្រាស់ នូវទម្រង់ដូចគ្នា និង ធាតុផ្សំ នៃការសសេរតួរបស់គម្រោង ហើយអាចជាការងាយយល់ ឬក៏ផ្តោតសំខាន់ទៅលើ ព័ត៌មានដែលអាចទៅរួចទៅនឹងអ្នកសសេរគម្រោង នៅវគ្គណាមួយ។ គម្រោងការនៃការសសេរគឺមិនត្រូវយល់ច្រឡំនិងការសសេរតារាងទេ។ ការសសេរនូវតារាងគឺតម្រូវឲ្យយើងសសេរនូវ តួលេខ ការពិពណ៌នានិងការតភ្ជាប់ទៅនឹង ព័ត៌មានលម្អិត ទោះបីជាមាននិពន្ធនាយក បានរួមផ្សំគ្នាជាមួយនិងការ សសេរគម្រោង ទៅនិងការសសេរតារាងក៏ដោយ ក៏ប៉ន្តែផ្នែកទាំងពីនេះគឺចែកដាច់ពីគ្នា។ ការសសេរគម្រោងគឺ ជាការរុករកយ៉ាងពិបាកទៅលើព័ត៌មានលម្អិត លើទ្រង់ទ្រាយ នៃផលិតផល រហូតទាល់តែមានការទទួលស្គាល់។ វាគឺគួរតែមានការគិតបែបធម្មជាតិ ការពិពណ៌នា ក៏ប៉ុន្តែក៏អាចឲ្យអ្នកអាចធ្វើការអត្ថាធិប្បាយបាន។

តួគម្រោងនៃការសសេរអត្ថបទ( តួស្គ្រីប)​ គឺជាផ្នែកបញ្ចប់នៃការសសេរស្គ្រីប។ វាគឺជាការកែប្រែឬការសសេរឡើងវិញនៃការសសេរស្គ្រីប ហើយវាជាការបង្កើតនៃការសសេរ និងការបន្ថែមទៅលើឯកសារ។តួស្គ្រីបគឺ បញ្ជូលនិងធាតុផ្សំនៃគំនិត ព័ត៌មានដែលប្រសើរជាង វគ្គនៃផលិតកម្ម ហើយប្រហែលជាអាចរាប់បញ្ចូលទាំងគំនិតថ្មីៗ ស្របទៅតាមវិធីសាស្ត្ររបស់យើង។ វាជាការប្រឌិតដែលរួមផ្សំភាពយន្ត ដែលផលិតករកែវាទៅក្នុងឯកសារ។ តួនៃស្គី្របគឺរាប់បញ្ចូលទាំងការពិពណ៌នា សកម្មភាព និងការយល់ ឲ្យកាន់តែស៊ីជម្រៅ។

ជាថ្មីម្តងទៀត តួស្គី្របមិនគយរច្រឡំ នឹងក្រដាសកាត់តទេ ដែលផ្ទុកនូវព័ត៌មានលម្អិត និង ព័ត៌មានផលិតកម្ម។ ទោះបីជាមានការរួមបញ្ចូលទាំងពីរនេះ របស់ម្ចាស់ផលិតកម្ម និង អ្នកសសេរស្គី្រប វាត្រូវតែបំបែក ។ ក្រដាសកាត់តគឺជា ឧបករណ៍ម្យ៉ាង សម្រាប់កាត់ត ប្រវែង ហើយរាប់បញ្ចូលទាំង ធាតុផ្សំដូចជា ការរាប់ពេលវេលា ចំនួន និង ចំនុចក្នុង និង​ចំនុចក្រៅ។ រីឯស្គី្របគឺជាគំនិត និងការពិពណ៌នានៃសកម្មភាព ប៉ុន្តែគួរតែរក្សាទុកនូវ កន្លែងទំនេរមួយសម្រាប់ទុកនូវការកែប្រែនៃផ្នែកចុងបញ្ចប់នៃអត្ថបទ។

ទាំងមុនសសេរស្គី្របនិង តួស្គី្រប គឺត្រូវតែបញ្ជាក់ពីពេលវេលាច្បាស់លាស់ ។ ធាតុផ្សំនិងវិធីសាស្ត្រ គឺអាចយកទៅប្រើប្រាស់ទាំងពីរតែអាស្រ័យទៅ លើព័ត៌មានដែលមានរយះពេលពិតប្រាកដ។

Read More

រូបភាពសំណើច

ញាំសាច់ពិសេស

      ខូចចិត្តតាមfacebook  

 

Read More

អារម្មណ៍ល្អ

ជួបមិត្តសប្បាយចិត្ត  ញាំបាយជុំគ្នារីករាយ ញញឹមដាក់គ្នា ផ្តើមនូវមិត្តភាព

វិធីសាស្ដ្រ ដើម្បីឲ្យមានអារម្មណ៍ល្អ

1. គេងឲ្យបានគ្រប់គ្រាន់ៈ ការគេងលក់ស្កប់ស្កល់គឺធ្វើឲ្យយើងទទួលបាន អារម្មណ៍ល្អ ម្យ៉ាងវិញទៀត ការគេងត្រូវមានបែបបទក្នុងការគេងដូចគ្នា មិនត្រូវគេងទ្រមក់ទេ។
2. មិនគិតផ្ដេសផ្ដាស ៖   កាលណាអ្នកគិតច្រើន វានឹងធ្វើឲ្យអារម្មណ៍របស់អ្នក មិនស្ងប់ទោះជារឿងទាំងនោះមិនមែនជារឿងពិតក៏ដោយ។ការគិតក៏ជាចំណែកមួយរបស់មនុស្ស ដែរ ប្រសិនបើអ្នកគិតតែរឿងអវិជ្ជមាន នោះជីវិត អ្នកនឹងជួបតែបញ្ហាដែរអ្នកគិតទុក នោះជាមិនខាន ចូរចងចាំថា គិតដល់រឿងអ្វី ថ្ងៃណាមួយរឿងនោះប្រាកដជាកើតឡើងចំពោះរូបអ្នក។ 
3. ការសម្រួលអារម្មណ៍ ៖ ទាក់ទងនឹងអារម្មណ៍ អ្នកទស្សនៈវិទ្យាបាន ធ្វើការបែងចែកអារម្មណ៍របស់មនុស្សជាពីរ ៖   គឺអារម្មណ៍ល្អ និង អារម្មណ៍មិនល្អ ។ អារម្មណ៍ល្អ រួមមាន៖ ការសប្បាយចិត្ត  រំភើប ត្រេកអរ អំណរសប្បាយ  រីឯអារម្មណ៍មិនល្អមាន ដូចជា ខឹង រន្ធត់ មួរហ្មង ធុញ  .. ប៉ុន្ដែ​  យើងត្រូវចេះសម្រួលអារម្មណ៍៕ 
4. ញញឹម៖ ស្នាមញញឹមក៏អាចឲ្យអ្នកមានអារម្មណ៍ល្អបានដែរ ពេលខ្លះអ្នកមិនសប្បាយចិត្ត​ ប៉ុន្តែនៅពេលអ្នកឃើញញញឹមទោះជាយ៉ាងណា ក៏អាចកាត់បន្ថយភាពមិនសប្បាយចិត្តបានដល់ទៅ៣០% ដែរ គេត្រូវតែញញឹមតបមករកអ្នក។  ឧស្សាហ៍ញញឹមនោះសំណាងល្អនឹងមកដល់!
5. មើលរឿងកំប្លែង 
6. ចង់បានអារម្មណ៍ល្អ កុំភ្លេចអារម្មណ៍ល្អ

Read More

៧ វិធីសាស្ដ្របំបាត់ភាពស្មុគស្មាញ

គា្មននរណាម្នាក់ដែលមានអារម្មណ៍គ្រប់ពេលនោះទេគ្រាន់ តែគេចេះទុកដាក់ប៉ុណ្ណោះ ។  នេះជាវិធីសាស្ត្រខ្លះដែលខ្ញុំលើកមកបញ្ជាក់

1.       នឹកគិតដល់រឿងដែលធ្វើឲ្យយើងមិនសប្បាយចិត្ត រកមូលហេតុ ថា តើអ្វីដែលធ្វើឲ្យអ្នកមិនសប្បាយចិត្ត? យើងចាំបាច់ត្រូវគិតដល់វាជានិច្ច មិនត្រូវទុក បញ្ហាចោលទេ តែត្រូវដោះស្រាយ ដោយវិធី ល្អ

2.       កុំនៅម្នាក់ឯង    ចូរចងចាំថាពេលដែលមនុស្សមិនសប្បាយចិត្ត អារម្មណ៍ តូចចិត្តប្រាកដជាកើតឡើង ប្រសិនបើអ្នកព្យាយាមនៅតែម្នាក់ឯង អ្នកមិនអាច ធ្វើឲ្យអារម្មណ៍ល្អវិញបានទេ ផ្ទុយទៅវិញ វាមានតែធ្វើឲ្យអ្នក គិតខ្លី រហូតដល់សម្លាប់ខ្លួនក៏មាន។ អ្នកគួរតែរកមិត្តភក្ដិ ឬ សមាជិកគ្រួសារ ឬ ចាស់ទុំ ឬ មនុស្ស ដែលមានបទពិសោធន៍ ឬ ជានរណាម្នាក់ដែលជិតស្និទ្ធជាមួយអ្នកបំផុត មកពិភាក្សា ដើម្បីរក មធ្យោបាយដោះស្រាយនូវ បញ្ហា ។

3.       ចេញមករកខ្យល់បរិសុទ្ធ  ការលម្ហែកាយ លម្ហែអារម្មណ៍ក៏ជាកត្តាមួយជួយ ដល់អ្នកមិន ឲ្យប្រឈមមុខនឹងជម្ងឺ ស្រ្តេស Stress វាជាជម្ងឺម្យ៉ាង ដែលកើតមាននៅពេលណាដែលអ្នក ធ្វើការនឿយហត់ ធុញទ្រាន់ មួរហ្មង ។ល។ គួរទៅកំសាន្តតាម រមណីយដ្ឋាន នានា ឬ ទៅមើល ទេសភាពស្អាតៗ ដើម្បីលម្ហែអារម្មណ៍។

4.       គិតថាគ្មានអី្វដែលយើងធ្វើមិនបានទេ នៅពេលដែលយើងគិតដល់អ្វីរឿងនោះនឹងកើតឡើង ជាការពិតណាស់ បញ្ហាគ្រប់យ៉ាងកើតពីការគិតរបស់អ្នក។ បើអ្នកគិតដល់រឿងអ្វីមួយ ថ្ងៃណាមួយរឿងនោះនឹងកើតឡើង គ្រាន់តែវាត្រូវការពេលវេលា និងការព្យាយាមគិតដល់វារបស់អ្នកប៉ុណ្ណោះ។ 

5.       ប្រៀបធៀបខ្លួនអ្នកនិងមនុស្សដែល ទាបជាងអ្នក  ទាបជាងនៅពេលនេះមិនមែនសម្ដៅដល់កម្ពស់ទេ តែសម្ដៅដល់ អ្នកដែលមិនបានដូចរូបអ្នក ពេលខ្លះអ្នកមានអារម្មណ៍ថា រូបអ្នកមិនស្អាត តែអ្នកត្រូវគិតថាមនុស្សនៅលើលោកនេះគ្មាននរណាម្នាក់ដូចអ្នកទេ អ្នកមាននូវអ្វីដែលអ្នកដទៃគ្មាន នោះជាកម្លាំងថាមពល ដែលពង្រឹងនូវការខិតខំ តស៊ូជំនះនឹងជីវិតតទៅមុខទៀត។

6.       កុំព្យាយាមយកនូវអ្វីដែលមិនមែនជារបស់យើង មនុស្សនៅលើលោកយើងនេះតែងតែ លោភលន់ ថ្ងៃនេះមានកង់ ចង់បានម៉ូតូ ពេលបានម៉ូតូហើយ ចង់បានឡានបន្តទៀត គោលបំណងមិនចេះអស់មិនចេះហើយ ចង់តែបាន នៅពេលដែលមិនបានហើយ ក៏តូចចិត្ត ហើយបន្ទោសទៅលើអ្នកដទៃ ដូចជាវាសនា ព្រហ្មលិខិត ។ល។ វាមិនមែនជាដំណោះស្រាយដ៏ល្អទេ ដែលអ្នកគិតតែពីចង់បាន ព្រោះវាមិនមែនជារបស់អ្នក។ អ្នកសាកគិតថា បើអ្នកមានឡានចាស់មួយ ថ្ងៃមួយ មិត្តរបស់អ្នកទើបតែទិញឡានថ្មី ដែលល្អ ជាងឡានអ្នកពេលនេះ អ្នកចង់បានវាភា្លម តែអ្នកមិនមានសមត្ថភាពដើម្បីទិញវាទេ អ្នកមានតែតូចចិត្តនឹងវាសនាមិនបានទេ ចូរអ្នកគិតថា ១០០រៀលក្នុងហោប៉ៅអ្នក វាល្អជាង ១០០០០រៀលដែលជារបស់អ្នកដទៃ ចូរអ្នកពេញចិត្តនូវអ្វីដែលអ្នកមាន ហើយសប្បាយចិត្តនូវអ្វីដែលអ្នកទទួលបាន និងមានអំណរបើអ្នកដទៃមានសន្តិភាព ។

7.       ធ្វើអំពើល្អមិនចង់បានការតបស្នង  ការដែលអ្នកបានជួយមនុស្សដែលកំពុងជួបបញ្ហាម្នាក់ គេសប្បាយចិត្តជាង អ្នកទៅជួយ អ្នកដែលកំពុងសប្បាយចិត្តទៅទៀត។ ចូរអ្នកមានអំណរសប្បាយ​ទៅ​ នៅពេលដែលអ្នកជួយឲ្យអ្នកដទៃបានសុខសាន្ត ទោះជាគេមិនបានតបស្នងអ្វីមកអ្នកតែគេក៏បានផ្ដល់ឲ្យអ្នកនូវស្នាមញញឹម និងមិត្តភាពរវាងគ្នានិងគ្នាដែរ។

នៅពេលអ្នកបើកចិត្តឲ្យទូលាយ នោះពិភពលោកស្រស់បំព្រងសម្រាប់អ្នក!

ជួយឲ្យគេរីករាយ នោះអ្នកក៏សប្បាយចិត្ត!

ពេញចិត្តនូវអ្វីដែលអ្នកមាន សប្បាយចិត្តនូវអ្វីដែលអ្នកបាន ត្រេកអរពេលអ្នកដទៃបានសុខ!

Read More

មៀនប៉ៃលិន

មៀនប៉ៃលិន​

 មៀនប៉ៃលិន(តាង៉ែន)​ ជាឈ្មោះផ្លែឈើម្យ៉ាងដែលដុះនៅតាមតំបន់ប៉ៃលិន។ វាជាប្រភេទផ្លែឈើដែលមានរសជាតិ ផ្អែម ស្រដៀងទៅនឹងមៀនធម្មតាដែរ តែវាមានសាច់ច្រើនជាងនិងមិន សូវមានក្លិនក្រអូបដូចមៀនពេកនោះទេ។ សម្បុរវាដូចគ្នានឹង មៀនធម្មតាដែរ វាដូចគ្នាស្ទើរតែច្រឡំ។ នៅប៉ៃលិនមានដើម តាង៉ែន ជិត ១០០០០ ដើមហើយ។​ បច្ចុប្បន្ននេះ រាជរដ្ឋាភិបាលបានផ្ដោតសំខាន់ទៅ លើផ្លែឈើប្រភេទនេះខ្លាំងណាស់ ។ វាជាផ្លែឈើហូបផ្លែ​ ដែលមិនប៉ះពាល់ដល់សុខភាពឡើយ ហើយវាឆ្ញាញ់ បើប្រៀបធៀបនឹងផ្លែឈើដទៃ តាង៉ែនអាចថាបានជាផ្លែឈើដែលមាន

ប្រជាប្រិយភាព​ ហើយក៏លក់ដាច់ជាងគេនៅទីផ្សារ ផងដែរ។ មៀនប៉ៃលិន​ ផ្ដល់ផ្លែ ២ដង ក្នុងមួយឆ្នាំ គឺ ចុងខែមករា និង មេសា ប៉ុន្ដែ​ ដោយសារ វិទ្យាសាស្ដ្រនាពេលបច្ចុប្បន្នមានភាពរីកចម្រើន ទើបអាចបំពេញតម្រូវការទីផ្សារបាន ដោយគ្រាន់តែដាក់ជីតែបន្តិច គេក៏អាចទទួលបានផ្លែ គ្រប់រដូវផងដែរ។  ទន្ទឹមនឹងនេះ មៀនប៉ៃលិន នេះ​ត្រូវបាន​ រាជរដ្ឋាភិបាលចិន មានបំណង នាំទៅកាន់ប្រទេសចិនទៀតផងដោយអោយ អ្នកជំនាញ ធ្វើការផ្សាំ រាប់ម៉ឺនដើម​ដើម្បីបញ្ជូនទៅចិន។​ យើងដាំ តាង៉ែនជាជួរៗ ដោយឃ្លាតគ្នាប្រវែង ប្រហែល ១ ម៉ែត ពីដើមមួយទៅដើមមួយទៀត ដើម្បីអោយ វាទទួលបានពន្លឺនិងជីវជាតិគ្រប់គ្រាន់សម្រាប់ដើមនិមួយៗ។ ដោយសារហេតុនេះហើយបានជានៅតាមតំបន់នានាក្នុងព្រះរាជាណាចក្រកម្ពុជា បានពង្រីក ទីផ្សារនៃដំណាំមួយនេះគួរអោយកត់សម្គាល់។ នៅខេត្តផ្សេងៗដូចជា [[ខេត្ត​បាត់ដំបង]] [[ខេត្តកំពង់ចាម]] [[ខេត្តកំពត]] និង ខេត្តជាច្រើនទៀតនៅ ប្រទេសកម្ពុជា ក៏បានដាំដំណាំនេះដែរ។

ផ្លែឈើ មៀនប៉ៃលិន នេះមានតម្លៃសមរម្យបើប្រៀបធៀបនិង ផ្លែឈើផ្សេងៗ ។​មៀនប៉ៃលិន ត្រូវការទឹក ជាចាំបាច់សម្រាប់​លូតលាស់និង បង្កើតផ្លែផ្កា។ ប៉ុន្តែប្រសិនបើទឹកខ្លាំងពេកវានឹងធ្វើអោយ វាងាប់ដើម ទៅជារលួយ ដើម។

'''របៀបផ្ស៊ាំ'''

ការផ្ស៊ាំ តាង៉ែនអាចចំណាយពេល ប្រហែល៣ខែ ទម្រាំ តាង៉ែន ដុះឬស ល្អ។ យើង ផ្ស៊ាំតាង៉ែន ដោយកាត់បណ្ដុះ

មុនដំបូង យើងបំបៅ នៅមែកតាង៉ែន រយះពេល ១ខែ រហូតដល់វា ដុះឬសនៅលើមែក។ បន្ទាប់មកយើងលាយដី ជាមួយ ស្រកីដូង ហើយ ផ្អាប់វាទុក រហូតដល់បាក់តេរី បំបែកជីនោះសព្វ។ ពេលហើយយើងយក ជី នោះទៅដាក់ក្នុងថង់ផ្ស៊ាំជាមួយ មែកដែលយើងផ្សាំំនៅដើម។ ទុកអោយវាដុះឬសនៅក្នុងថង់ទើបយើង កាត់ថង់យកវាទៅដាំ។

'''របៀបប្រមូលផល'''

ការកាត់តាង៉ែន វាមិនខុសពីការកាត់សាវម៉ាវទេ គឺយើងប្រើកាំបិតកាត់មែកឈើមកកាត់វា។ ផ្លែរបស់វា នៅជាប់គ្នា ហើយមួយដើមយើងអាចប្រមូលបាន ៥ទៅ១០ គីឡូក្រាម អាស្រ័យនឹងការដាក់ជី របស់យើង។ នៅពេលប្រមូលផល​ យើងផ្ដោតសំខាន់គឺទៅលើ តម្លៃទីផ្សារ ។ប្រសិនបើទីផ្សារល្អ យើងកាត់ច្រើន​តែបើទីផ្សារមិនសូវល្អ យើងទុកវាបាន ព្រោះវាមិនទុំជ្រុះងាយៗទេ។

'''តម្លៃទីផ្សារ'''

ទីផ្សារនៅក្នុងស្រុក ១គីឡូក្រាម អាចលក់បាន ពី ៣៥០០រៀល ដល់​ ៥០០០រៀល ។

 មៀនប៉ៃលិន ជាដំណាំមិនពិបាកដាំទេ ប៉ុន្តែវាទាមទារការថែទាំ យ៉ាងហ្មត់ចត់ និងមិនអាចប្រហែសបានទេ។ រីឯតម្លៃវាគឺសមរម្យទៅនិងជីវភាពប្រជាជន គ្រប់រូប។

Read More

ព័ត៌មាន

១/ ការស្វាគមន៍លោកពុក Robean Gold

 ថ្ងៃច័ន្ទទី ២៨ ខែវិច្ឆិកា ឆ្នាំ២០១១ ដំណើរទស្សនកិច្ចរបស់លោកពុក ​​ Robean Gold ជាជនជាតិឥណ្ឌា ហើយក៏ជាសមាជិក​គ្រួសារសាលេស៊ាន។គាត់ជា លោកពុក របស់ សាលាដុនបូស្កូ នៅ ថាកាតា ជាទីក្រុងដ៏ធំមួយនៅប្រទេសឥណ្ឌា។ នៅប្រទេសឥណ្ឌាមានសាលាដុនបូស្កូ ១០ ។លោកពុកមានអំណរសប្បាយដែលបានមកប្រទេសកម្ពុជា មុនដំបូងលោកពុកបានទស្សនកិច្ចនៅដុនបូស្កូទីក្រុងភ្នំពេញ  បន្ទាប់មកគឺ ដុនបូស្កូសីហនុនេះឯង លោកពុកមានប្រសាសន៍បន្តថា សាលាដុនបូស្កូនៅប្រទេសឥណ្ឌា បានកសាងមុនគេដែលមានអាយុ កាលប្រហែល៨០ ឆ្នាំហើយ។  គ្រួសារសាលេស៊ានមានចំនួន១៣០ ប្រទេសហើយនៅលើពិភពលោក។ លោកពុកបានចែករំលែកនូវបទពិសោធន៍ដល់យុវជនយុវនារី ដុនបូស្កូ អោយទទួលបាន និងចេះរួមរស់នៅក្នុងគ្រួសារតែមួយ។

ម៉ោង១៣:00 ​ លោកពុកបានធ្វើការសម្ភាសន៍ជាមួយលោកពុក សំណាង ដែលមានលោកគ្រូនិងកូនសិស្សផ្នែកទំនាក់ទំនងសង្គម ទាំងអស់ចូលរួមស្តាប់និងយកបទពិសោធន៍។
លោកពុកមានប្រសាសន៍អំពី ការថតរូបអោយបានស្អាត គឺសំខាន់ស្ថិតនៅលើអេក្រង់ថត ហើយរបៀបថត​កាន់តែស្អាតគឺមិនថតពីក្រោយខ្នងទេ។ បន្ទាប់ពីលោកពុកមានប្រសាសន៍ចប់ហើយ លោកពុកបានទុកពេលអោយកូនសិស្សសួរ នូវសំនួរ ដែលមានដូចជា

1. តើធ្វើយ៉ាងដូចម៉្ដេចដើម្បីក្លាយជា ពិធីករដ៏ល្អ?

 លោកពុក Robean Gold បានបកស្រាយថា ដើម្បីទទួលបានជំនាញជាំពិធីករ គឺត្រូវមានទំនុកចិត្តលើខ្លួនឯង មិនខ្មាសអៀន ហើយក្លាហាន និងចេះប្រើកែវភ្នែក មើលចំអ្នកដែលយើងនិយាយជាមួយ​។

    2. តើយើងគួរធ្វើការទំនាក់ទំនងនិងជនបរទេសដោយរបៀបណា?



ពុកបានបកស្រាយបន្តថា ប្រទេសកម្ពុជាជាប្រទេសដែលស្រស់ស្អាត  ពេលពុកជិះយន្តហោះមើលពីលើមក គឺទស្សនីយភាព នៃប្រទេសខ្មែរគឺស្អាតណាស់ ព្រៃឈើ អគារខ្ពស់ៗ ទំនើបមិនចាញ់អឺរុបឡើយ ទឹកសមុទ្រពណ៌ខៀវ ត្រជាក់ធ្វើអោយភ្ញៀវទេសចរណ៍ ចូលមកទស្សនាមិនខ្វះ ។ ការធ្វើទំនាក់ទំនង គឺមិនពិបាកទេដោយគ្រាន់តែ ពង្រឹងនូវភាសា ទីមួយគឺភាសាខ្លួនឯង ភាសាបរទេស រាជរដ្ឋាភិបាលបានយកភាសាអង់គ្លេស ជាភាសាទី២ របស់ប្រទេស ហើយយើងក៏អាចចេះភាសាផ្សេងៗ គាត់មានប្រសាសន៍ថា រូបគាត់ចេះ៦ភាសា។ លោកពុកបានផ្ដល់ដំបូន្មានល្អៗដល់យុវជនយុវនារីដូចជា កូនៗទាំងអស់គ្នាត្រូវខំរៀន អោយមានជំនាញ និងច្បាស់លាស់ក្នុងជំនាញនោះ កូនៗនឹងជោគជ័យក្នុងថ្ងៃអនាគត។   ជាចុងបញ្ចប់ពួកយើងថតរូប ជុំគ្នា ក៏ដូចជាការជូនដំនើរលោកពុក ត្រលប់ទៅវិញប្រកបដោយភាពសុខសាន្ដ។

Read More

ប្រវត្តិភាសាអង់គ្លេស

ភាសាអង់គ្លេស ជាភាសាលោកខាងលិច ដែលមានកំណើតមកពី Anglo-Frisian  គ្រាមភាសានេះបាននាំមកដល់ចក្រភពអង់គ្លេស ដោយអ្នកឈ្លានពានអាល្លឺម៉ង់ មកពីផ្នែកផ្សេងៗ នៃទិសពាយព័្យនៃប្រទេសអាល្លឺម៉ង់ និង ប្រទេសហូឡង់។  ការចាប់ផ្តើម នៃភាសាអង់គ្លេសបូរាណ គឺ

ក្រុមនៃ​គ្រាមភាសាផ្សេងៗគ្នា ការតបតរបស់ព្រះរាជាណាចក្រ អង់គ្លេសនៃ Anglo-Saxon បូរាណផ្សេងៗគ្នា។ មួយក្នុងចំណោមគ្រាមភាសានេះ ជាយថាហេតុ រហូតមកដល់ការគ្រប់គ្រងរបស់ Saxon ភាគខាងលិចចុងក្រោយ។

ភាសាអង់គ្លេស មានការផ្លាស់ប្តូរយ៉ាងធំសម្បើម នៅក្នុងមជ្ឈឹមសម័យ។ ការសសេរភាសាអង់គ្លេសដំបូង នៃសតវត្សទី១ នៃគ.សគឺវាស្រដៀងគ្នា នៅក្នុងវគ្គស័ព្ទ និង វេយ្យករណ៍ សម្រាប់ភាសាអាល្លឺម៉ង់បូរាណ។ដូចជា ភាសាអាល្លឺម៉ង់ កម្រិតខ្ពស់បូរាណ និងNorse បូរាណនិង បំពេញនូវភាពល្ងង់ខ្លៅរបស់ពួកគេដោយ អ្នកនិយាយភាសាទំនើប ក្នុងកំឡុងពេល ភាសាទំនើបទទយលស្គាល់យ៉ាងទូលំទូលាយ ត្រូវបានសសេរនូវកណ្ដាលនៃប្រទេសអង់គ្លេសនៅឆ្នាំ ១៤​០០ នៃគ.ស។ នេះគឺបណ្ដាមកពី ចលនាឈ្លានពាន ២ ៖

ដំបូងឡើយ គឺអ្នកនិយាយនៃ Scandinavian ដែលជាមែកធាងរបស់ក្រុមគ្រួសារភាសាអាល្លឺម៉ង់ ដែលច្បាំងដណ្ដើមនិងដាក់អាណានិគម ជាច្រើនផ្នែកនៃចក្រភពអង់គ្លេស នៅក្នុងសតវត្សទី៨និងទី៩។

បន្ទាប់មកដោយFrench Normans នៅសតវត្សទី១១ ដែលនិយាយភាសាNormanបូរាណ និង នៅទីបំផុតការអភិវឌ្ឍភាសាអង់គ្លេសជាច្រើននេះត្រូវបានគេហៅថា Anglo-Norman។ ទំហំដ៏ធំនៃវគ្គស័ព្ទអង់គ្លេសសម័យ មកដោយផ្ទាល់ពីភាសាបារាំងបូរាណ។      

 លទ្ធផលនៃការរស់នៅជាមួយ Scandinavians គឺត្រូវបានកត់សម្គាល់នូវវេយ្យករណ៍ធម្មតា និង​ គ្រឿងលម្អ នៃសទ្ទានុក្រម នៃ Anglo-Frisian រួមទាំងភាសាអង់គ្លេស ។ទោះបីជាយ៉ាងណា វាមិនបានឈានឡើងខ្ពស់ទេ នៅទិសនិរតីនៃប្រទេសអង់គ្លេស នៅសតវត្សទី៩នៃគ.ស ដែលភាសាអង់គ្លេសបូរាណ បានអភិវឌ្ឍន៍នៅក្នុង ពេលដែលពេញប្រៀប​ នៃភាសាអង់គ្លេស។​ នេះគឺជាការបង្អាក់របស់ពួកឈ្លានពាន​​  Normanនៅក្នុង ឆ្នាំ១០៦៦ ហើយនៅពេលដែល​អក្សរសាស្ត្រអង់គ្លេស បានរស់សាជាថ្មីម្តងទៀត នៅសតវត្សទី ១៣ ។វាគឺពឹងផ្អែកទៅលើ ឃ្លានៃ London ដែលជិតនិងការតាំងលំនៅស្ថាន នៃកណ្ដាលរបស់ជនជាតិ Scandinavians ។បច្ចេកវិទ្យា និង វប្បធម៌​វគ្គស័ព្ទគឺមានដើមកំណើតពី ភាសាបារាំងបូរាណ ជាមួយការជះឥទ្ធិពលយ៉ាងធ្ងន់ធ្ងរ ពី ភសាបារាំង ន័រម៉ែន នៅក្នុងតុលាការនិង​ ក្នុងរដ្ឋាភិបាល។ជាមួយនិងការមកដល់ថ្មីៗនៃ ការកើតឡើងវិញដោយការអភិវឌ្ឍភាសាអ៊ឺរ៉ុប ដូចជា ភាសាអាល្លឺម៉ង់ និងភាសាហូឡង់ ឡាទីន និងក្រិចបុរាណ​ បារាំង ដែលជាធនធានសំខាន់របស់ពាក្យថ្មី។ ដូច្នោះការអភិវឌ្ឍភាសាអង់គ្លេស គឺជាភាសាខ្ចីយ៉ាងច្រើនជាមួយ និងការបំបែកវគ្គស័ព្ទ ។

ភាសាអង់គ្លេសបុរាណ

ភាសាដែលទាក់ទងទៅនិងមនុស្ស បានធ្វើអោយភាសាអង់គ្លេស (Angles, Saxons, Frisii , Jutes franks ) ដែលធ្វើពាណិជ្ជកម្ម និង ចម្បាំង ជាមួយ អ្នកនិយាយភាសាឡាទីន នៃ ចក្រភពរ៉ូម៉ាំង នៅក្នុង ដំនើរការ ជាច្រើនសតវត្ស នៃដំណើរការដែលទាក់ទងទៅនិងការកើនឡើងនៃមនុស្ស ទៅក្នុងអ៊ឺរ៉ុបខាងលិច កំឡុងពេល​នៃការធ្វើអន្ដោប្រវេសន៍​។ដូចភាសាឡាទីន សំខាប់កម្មបទធម្មតាដែលចូលទៅក្នុង វគ្គស័ព្ទ ដែលទាក់ទងទៅនឹងមនុស្ស មុនពេលពួកគេមកដល់ចក្រភពអង់គ្លេស និងនិម្មិតកម្ម ដែលកើតមកជាថ្មី នៃទឹកដីអង់គ្លេស។

Read More

ចម្រៀងកូនខ្មែរ

Read More

ភាសាកូរេ សន្ទនាប្រចាំថ្ងៃ

안녕!(អាន់ ន្យង់)(An nhoung) ជំរាបសួរ! hi
잘 지내 시죠?(ចាល់ ជី នែ ស៊ី យ៉ូ?)(chal chi nae si yo?) តើអ្នកសុខសប្បាយទេ? How are you?
만나서 반갑습니다.(ម៉ាន់ ណា ស ផាន់ កាប់ ស៊ឹម នី ដា?)(monn na sor phan kab seb ni da?) រីករាយណាស់ដែលបានជួបគ្នា! nice to see you
아직 밥을 먹지? (អា ជីក ផាប់ ភីល ម៉ុក ជី?)(A chik pab pil mok chi?) ញាំបាយនៅ?               eat rice yet?
내 이름은 .............입니다 (នែ​ អ៊ី រឹម មឺន .................អ៊ីប នី ដា)(nae e rem meun ............ eib ni da)ខ្ញុំឈ្មោះ,,,,,,,,,,,,,,,,,,,,,,,,,,,my name is ..................

Read More